Monthly Archives: Oktabr 2022

21-oktabr O’zbek tiliga davlat tili maqomi berilgan kun.

O‘zbekiston Respublikasi Prezidentining 2022-yil 2-fevraldagi “Madaniyat va san’at sohasini yanada rivojlantirishga qaratilgan qo‘shimcha chora-tadbirlar to‘g‘risida”gi 112-son Qaroriga muvofiq Oʻzbekiston davlat musiqali komediya (operetta) teatri ijodiy jamoasi joriy yilning 18-20-oktabr kunlari Xorazm viloyati Urganch va Qoraqalpog‘iston Respublikasi Nukus shaharlarida gastrol safarida bo‘ldilar. 18-oktabr kuni Xorazm viloyati musiqali drama teatrida, 19-oktabr kuni Qoraqalpoq davlat qo‘g‘irchoq teatri hamda Qoraqalpoq davlat yosh tomashiblar teatrida operetta teatrining bosh rejissyori “Madaniyat va san’at fidokori” ko‘krak nishoni sohibasi G.Najidova tomonidan sahnalashtirilgan “Intervyu s legendoy” O‘zbekiston xalq artisti B.Zokirov hayoti va ijodiga bag‘ishlangan musiqali spektakli namoyish etildi.

2022-yilning 11-oktabr kuni Farg’ona viloyati rus drama teatri jamoasi O’zbekiston davlat musiqali komediya operetta teatrida gastrol safarida bo’ldilar. Gastrol doirasida «Yevgeniy Onegin» spekltakli namoyish etildi.

O’zbekiston Respublikasi Madaniyat vazirligining tegishli buyrug’a asosan O’zbekiston davlat musiqali komediya (operetta) teatrida joriy yilning 5-oktabr kuni korruptsiyaga qarshi kurashsish masalalariga oid davra suhbati tashkil etildi. Suhbat jarayonida teatrda korruptsiyaga yo’l qo’ymaslik xususida tegishli chora-tadbirlar rejasi muhokama qilindi

2022-yil 5-oktabr kuni O’zbekiston davlat musiqali komediya (operetta) teatri ijodiy jamoasi Chilonzor tumanidagi 201-umumta’lim maktabi o‘quvchilari uchun “Mamat kulol” musiqali ertagini namoyish etildilar.