2021-yilning 1-oktabr kuni O’zbekiston davlat musiqali komediya (operetta) teatrida «Intervyu s legendoy» (N.Salixova) nomli spektakl-konsert premyerasi bo‘lib o’tdi. Spektakl O‘zbekiston xalq artisti B.Zokirov tavalludining 85 yilligiga bag‘ishlanib sahnalashtirilgan. Ushbu spektakl 1-oktabr «Ustoz va murabbiylar kuni» bayramiga bag‘ishlab namoyish etilib, tadbirga pedagogik jamoalar va murabbiylar taklif etildi. Shuningdek ushbu bayram oqshomida teatr jamoasi Covid-19 infeksiyasiga qarshi kurashda erta-yu kech xizmat qilayotgan tibbiyot xodimlariga o‘z minnatdorchiligini izhor etgan holda bir guruh shifokorlarni ham spektaklga taklif etdilar.
